Featured Stories
EEUU, México: José Hernández, Astronautax Twittea Ukanax Uraq Anqäxat Khiti
José Hernández chachax Uraq alynam akürunakax muytasinki, akx Transbordador Espacial a la Estación Espacial Internacional ukan mä khitapjama. Aka Uraq anqäx tunka kinsan urunakan muytaniñapatak khitatäsinx jupax tweets ukanak khitarakitayna.
China: ¿Jach’a Yatxatawiti Jan Ukasti Lura Yatiqawicha?
Jach’a Utan yatichaw amtawinakapax wali uñakipatataynawa inti jals tuqinsa inti jalant tuqinsa. China tuqinxa taqi jaqipuniwa saraki,yatichawix sayraqatr sartayayiriwa sasina, aka qhipa urunakanxa, jach’a yatiqañ utanakanx yatiqirinakax walpin yapxattawayaraki
2009-11-16
Vietnam: La Blogger ukat Tran khai Thanh Thuy Khuskhak Qamaw Kunkanchayirinakar Nuwjas Taripas Lurapxatapat Qillqt’ata.
Blogger vietnamitas ukankirinakax taripayañatak thaqhasipkakinwa, ukat Tran Khai Thanh Thuy juparux nuwjas taripasaw mutuyapxatayna. 23 de Octubre de 2009 –ukurux vietnamitan jilïr irpirinakapax yaqha Blogger ukankirinakaruw katuntas taripapxatayna, ukat llätunk siwiraktivistanakaruw Internetchiq kunayman amuyt’apxatapat taripayay munapxatayna.
2009-10-26
Indonesia: Sumatranx Uraqiw Khatatti
Padang [es], Sumatra uka markanx miercules urux pisqa jayp’u pacharuw uraqiw khatatti. Ukhamarakiw Richter ukan juchapatw submarinonakax ñä 7,6 ukjaniw jiwarapxatayna, ukampirusa, jacha utanakaw jit’thapisitayna, jilpachax Pariaman [id] ukana, mä aylluy thiyawjan Padang ukana utkasitayna.
2009-10-25
Jutïr Pachan Ticnakatak Sartawipa
Aka post ukax mä Centro de Investigación Internacionalan sartawipatak chikanchatawa. (IDRC Ingles arun siglapaniwa) TICnakan jutïr pachan sartawipatawa. Taqpacha postanaka.
China: Mä Yatiqir Jisk’a Imill Wawaw “Jan Wali Irnaqiriñ Muni Markapana”
Nayrïr yatich qallta urunxa, China Markanxa (1° de septiembre), Metropolitan Daily [zh] de Guangzhou yatiyawinak apnaqirixa, jiskt’awayiwa mä qawqhan qallta yatiqiri wawanakaru, iskt’asin kunakanitix qhipurun jakawipaspaxa. Uka tuqitxa mä jisk’a imill wawaw uka jist’arux kutiyawayi sasina nayax mä “irnaqiriyawa markataki sasina” mayampi jist’atasti; kunakasta irnaqiriyatas sasinsti jupax uka jist’arux kutt’ayanwa nayax mä jan wali irnaqiriyaxaw sasina. Uka jan wali irnaqir jaqinakax tatja yanakaniwa sasarakiw satäna.
2009-10-24
Brasil: Ch'iyar Janchininakax Suma K'añask Apnaqapxaspati?
Niya agosto phaxsi tukjuyarux Brasil marcanx janchin samipxat jisk’achasiñax utjk ukxat aruskipañaw utjatayna, kunatï mä jan walt’äwiw utjatayna. Santana markankir Juanuário Alves, niya pusi tunk maran ch’iyar janchin chachaw pani policía pallapallanakamp nuwjat jikxatasitayna. Alves chachax warmipampir jisk’a wawapampiruw mä jach’a aljasiñ alasiñ utax Brasil markan utjk ukawjan suyaskatayna. Jupax jupapachpankir jisk’a suma k’añask lunthatäskaspas ukham tumpnatataw jikxatasitayna [pt]. Uka pallapallanakax sapxataynawa: “jupax ch’iyar janchinïchixaya, janiw Ford EcoSport ukx alañ atkaspati”, sasina (uka k’añaskux Brasil markan wali qullqininakan apnaqatakiwa)
2009-10-19
Colombia: Medellin Ukanx Panqaranakan Qhatupw Ch’alltapxi Jani Ukax Amtt’asipxi
Sapa maranakaw kunapachatix lakan phaxsix (agoto) purink ukjax medillinanx markanx panqaranakan aruparjam uñtataw mä jach’a qhatuw utji. Sarawinakaparjam uñtataw parkinakas museonakasa, uka markpachanwa, kunayman k’uchirt’ayirinakaw jaqinakar k’uchirt’ayä sas sapxi, ukampirus utjarakiwa nayra k’añaskunakamp unxtasiwinakasa; ukan jakir jaqinakasa, yaqhäx markat jutir jaqinakasa wali amtatapuniw uka punchawitakix wakichasipxi.
2009-10-15
Puerto Rico: Censura Amuyunakjat Ch'axwawi
Jichharakiw, khaysa Puerto Rico sata qurpa yateqañ utanx jach’a jilir irptirix yatiwakichawit del undecimo grado llik’at taqin yatintir phisqa pankanak apsuwayi: Antalogia personal de Jose Luis Gonzalez [es]; El entierro de cortijo de Edgardo Rodriguez Julia [en]; walikiw jumar aka siw saw arst’ama: Antalogia personal de Juan Antonio Ramos [es]; khaysa Mexico markanx reunion de espejos sata antalogia de ensayox de Jose Luis Vega ukat Aura de Carlos Fuentes pankanakap qhanstawayapxäna. Aka lurawinakax taqi chhixnuqawin sapxiwa, “arunakamp ukat aru t’ixinakamp jani aaskirjamaw arst’asi.” Ukham qhanstawa yaraki.
2009-10-12
Pakistán: Mayamp Utanx Yaqha Sarnaqaw Qalltasa
Tunka kimsan urunak (13) saraqatat julio phaxsitpacha, pä phaxsinakaw ch’usawj tuqin jan amtat qamxapxatayna, ukampirus, uka ch’usawjan jan tumpirin jakir jaqinakarux Swat Pakistan uksatuqinx utanakapar kut’xañtakix iyawsxapxiwa. Ukhamarus walja arusiwinakarakiw utjatayn jan thaqhinx qullirinakutjatapata, k’añaskunakas janirakiw taqpachanitak kuttániñatakix utjkarakitaynati.
